منتديــات ســاره
السلام عليكم ورحمة الله وبركاته



عزيزي الزائر / عزيزتي الزائرة
يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة منتديات ساره
سنتشرف بتسجيلك
شكرا
ادارة المنتدى





 
الرئيسيةالتسجيلدخول

شاطر | 
 

 وصفة عطري تخلي ريحتك تلصق في المكان قبل تدخلينه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شوبارد الملكي

عــضــوجــديــد
عــضــوجــديــد
avatar

رقم العضوية : 69
تاريخ التسجيل : 08/08/2010
انثى
عدد المساهمات : 10
نقاط : 19
العمر : 33

مُساهمةموضوع: وصفة عطري تخلي ريحتك تلصق في المكان قبل تدخلينه   الثلاثاء أغسطس 10, 2010 12:19 am

بسم الله الرحمن الرحيم

السلام عليكم يا حبوبات وشحالكم؟؟

اليوم قررت واخيرا اكتب طريقة عطري فالمنتدى والسموحه اذا كان فيه تقصير مني بس توني مبتدئة واتمنى تكون بدايتي مشرفة

المهم بنبدى بالخلطه ..

*الملابس

المواد الاساسيه:

دخون
عود (بس ما يكون معطر)
مجموعه العطور اللي تستخدمينها كلها حتى الرجالي اذا تبين بس لاتزيدين منه
مبخر عشان تحطين عليه الثياب
كيس بلاستيكي
الطريقه:

_اغسلي الثياب بس لا تخلينها تنشف عدل يعني خليها مبلولة شوي.
_ ولعي الفحم وحطي العوده عليه وبخري الثياب بما فيهم ملابسك الداخليه."الاندر وير"
_ بعدين حطي الدخون ونفس الشي بس حاولي تخليهم فترة اطول شوي بس قبل لا تخلص العوده او الدخون عشان ما تحلق ريحه الفحم عالثياب..
_ والحين كل العطور اللي عندك عطري الثياب كلها
_ وحطي الثياب فالكيس واربطي الكيس عدل وحطيه فكيس ثاني واربطيه عشان ما تتسرب الريحه..
_ واخيرا حطي الثياب فالفريزر لمده فوق ال5 ساعات..

الحييييييين خلصنا من الثياب ويفضل تسوين حركه الثياب قبلها بيوم عشان تنشف قبل المناسبه وتعلق فيها الريحه

*الجسم
عند الاستحمام..
المواد
_شور جيل من ديتول
_ ليفه خشنه
_ ليفه صابون ناعمه
_اي شور جيل من العطور اللي تحبيها انا احب اخلط شور جيل عطر بريتني سبيرز مع جينيفر لوبيز القديم وبعد شاور جل لوكس خطيير
_ ملح خشن
_زيت اطفال
_سطل ماء بارد
_ غرشة ماي ورد
_ غسول كير فري الحميم
_ شامبو وبلسم (انا احب هيربل لانه ريحته حلوه او جارنييه بعد ريحته حلوة)
الطريقه:
_قبل الاستحمام اخلطي الملح اللي بيديك مع الزيت عشان تسوين سكراب للجسم والوجه
_وافركي جسمك فيه عدل اما الوجه يفضل فرك خفييف عشان ما تجرحينه
_ الحين تمخطري واهجمي عالمسبح اغسلي جسمك من السكراب عادي (وفي الايام العاديه استخدمي السكراب اخر شي يعطي نعومه حلوة للجسم وتصير بشرتك مثل الاطفال)
_الحين اغسلي جسمك بصابون ديتول باستخدام الليفه الخشنه عشان يتطهر الجسم خاطه الثنيات بين المناطق الحساسه ويفضل استخدام الماي الساخن عشان يفتح مسام الجسم.
_ واغسلي المنطقه الحساسه بغسول كير فري لانه احسن من الصابون.
_ وبعد ما تخلصين اغسلي شعرك( واذا فيك قشره استخدمي نقطتين من ديتول الاخضر للاستعمال الشخصي روعه للقشره) وبعدها حطي الشامبو والبلسم( البلسم يستخدم بس لاطراف الشعر ابعدي عن الجذور احسن)
_وبعدها نجيب الصابون العطري ونحطه على الليفه الناعمه وحطي على جسمك بنعومه كانك تسبحين بنوتك الصغيرة..
_وبعد ما نغسل الجسم بالماي نلم شعرنا عدل ..
_ نخلط الماي البارد مع غرشه ماي الورد ورشيه على جسمك ووجهك ما عدا الشعر ( انا عن نفسي اخلي اي حد يرشني لاني ما اقدر اتحمل برررررررد وفايده ماي الورد و الماي البارد غير الريحه الحلوة انا يسكر المسام عشان ما تدخل الجراثيم ويشد الجسم بعد الحمام الساخن

ونعيما يا حلوة

الحين بنرووح لتعطير الجسم بعد الحمام:

المواد
_ بخور
_ مجموعه لوشنات او لوشن واحد كيفك(انا احب اخلط لوشن دهن العود من اجمل مع لوشن سكادا الوردي ولوشن بلاك اكس او لانكوم البيج القديييييم ريحته روعه حتى لو تستخدمينه روحه)
_ عطر زيتي اما مسك روز او اي عطر ( انصح وبشده تجربون خلطه عبدالصمد القرشي للجسم ريحتها خباااااااااال )
_مزيل رائحه(انا استخدم نيفيا الموف )
_بودره ( جربي بودره روز من ماركس سبنسر)
_ كريم شارلي (متوفر في اي سوبرماركت قيمته ريالين)
_ لبس الصلاه او عباه مسكره (مش فووووطه).

الطريقه:
_تلبسين العباة او لبس الصلاه بعد ما تنشفين جسمك وما تكونين لابسه اي شي تحت حتى الاندر وير عشان تعطرين كل شي..
_ تحطين المبخر تحتك وتتدخنين ودخني شعرك بعد وهو مبلول.
_ عقب ما تخلصين شيلي العباة وتعبلي بعمرك.
_ حطي كريم شارلي تحت الابط وبين الارجل ( يبيض المنطقه السوداء وريحته حلوه ويساعد في منع التعرق شوي.)
_ ادهني كل جسمك باللوشن ما عدا الوجه.
_ حطي مزيل الرائحه اذا حبيتي
_ رشي جسمك كل بالبودر خاصه تحت الابط وبين الارجل وتحت الصدر.
_ واخيرا تيبين العطر الدهني وتحطينه على اماكن النبض وبين الثنيات ( تحت الاذن, على الانف , الرقبه, اعلى الصدر يعني القلب, ثنيه الرجل فوق بطه الرجل, ثنيات اليد)


وننتقل للشعر:

_ دخون
_مخمريه
_عطر دهني روز او خلطه عبدالصمد القرشي
_ دهن عود
_ عطر فرنسي رش (اي عطر تحبينه على شعرك انا احط كارتير حلوه ريحته مع دهن العود او موسكيني الجديم الاحمر احس ريحته ريحه نظافه)

الطريقه:

_ طبعا احنا غسلنا الشعر وبخرناه مع الجسم عدل وهو مبلول
_ ننشفه بس بدون شسوار يعني تنشيف فووطه خفيف خليه شوي مبلول عادي
_ نحط المخمريه على شعرنا بعد ما نمسحها بايدنا ونفرك ايدنا عدل مع مساج خفيف للشعر عشان يشرب الشعر الريحه.
_ نحط العطر الزيتي تحت الجذور يعني اعلى الرقبه مع دهن العود وعلى الاذن واللي بيتم فيديك امسحي فيه الشعر
_ ورشي العطر اللي تبينه من بعيد عليك وعلى شعرك

اللي تخاف شعرها يبيض لا تحط غير المخمريه (عن نفسي الحمد لله من كم سنه وانا احط الخلطه ما طلعتلي ولا شعره بيضه)


الفم:

المواد
_ شويه قرفه
_هيل
_سنوت (يانسون)
_عوده صغيررررررررررررة خذي شويه منها بس شوي
_ قطرة دهن عود
_ماء ورد
الطريقه:
_ نطحن القرفه والهيل والسنوت والعود ويا بعض ونخلي البودره فعلبه نستخدمها كل ما نبي
_ نحط وياهم نقطه دهن عود
_ بعد غسيل الاسنان عدل واللسان اللي يطنش الكثير غسله باستخدام فرشاه خاصه له ( وعلى فكره السبب الاكثر لريحه الفم اما البطن او اللوز او اللسان لانه تتجمع عليه البكتيريا والفطريات)
_ خلي بحمامك غرشة ماي ورد دايما للوجه والفم
_لما تخلصين غسيل اسنانك عدل بعد استخدام الغرغره بعد
_ تمضمي مرتين بماي الورد اول مره تفيه برا وثاني مره شربيه عادي
_ استخدمي الخلطه بدعك الاسنان واللسان فيها ممكن بلعها عادي ما تضر (ابلعها من سنين والحمد لله ما صا لي شي)
_ واللي ما تقدر تبلعها تخليها فتره في فمها وبعد ما تخلص منها لا تغسل فمها بالماي العادي تغسله بماي الورد.


اما الوجه
فما يحتاج غير انك تبلين قطنه بماي ورد بارد وتحطينه على وجهك قبل الميك آب بس لا تمسحينه خليه يجف روحه (فوايده مع استمراريه الاستخدام يعني نضارة ويرطب الوجه)


والسموحه على الاطاله او التقصير

واللي بتسوي الطريقه وبتظهر او في مجالس الرجال غير المحارم اللهم اني بريئة منها لانه ما في منا من ترضى ان تكون زانية ..

وبس




الرجوع الى أعلى الصفحة اذهب الى الأسفل
بنوتة

عــضــوجــديــد
عــضــوجــديــد
avatar

رقم العضوية : 68
تاريخ التسجيل : 08/08/2010
انثى
عدد المساهمات : 54
نقاط : 68

مُساهمةموضوع: رد: وصفة عطري تخلي ريحتك تلصق في المكان قبل تدخلينه   الثلاثاء أغسطس 17, 2010 10:01 pm

يسلمووو
الرجوع الى أعلى الصفحة اذهب الى الأسفل
مغربية ذوووق

مــشــرفــة
 مــشــرفــة
avatar

رقم العضوية : 29
تاريخ التسجيل : 14/04/2010
انثى
عدد المساهمات : 1566
نقاط : 1978

مُساهمةموضوع: رد: وصفة عطري تخلي ريحتك تلصق في المكان قبل تدخلينه   الأربعاء أغسطس 18, 2010 2:44 am

بارك الله فيك اختي
نصائح قيمة
الرجوع الى أعلى الصفحة اذهب الى الأسفل
 

وصفة عطري تخلي ريحتك تلصق في المكان قبل تدخلينه

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديــات ســاره :: _][__•• مملڪـة ـآلمرأه •• _][__ :: ●| ڪبرياء أنثى ..’-
انتقل الى:  
© phpBB | منتدى مجاني | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونة