طريقة عمل العرايس المنزلية

[ندعوك للتسجيل في المنتدى أو التعريف بنفسك لمعاينة هذا الرابط]



مقاديرها:


اما إنكم تجيبون خلطة كباب جاهزة من اللحام يكون فيها البصل والبقدونس والبهارات والملح


او أنكم تسوونها بالبيت وعشان تسوونها بالبيت ( انا سويت الخلطة بالبيت )


اللي يجب اللحمة الكباب جاهزة يزيد عليها بالبيت حبة بطماطم متوسطه مفرومة ناعم
( عشان ما تطلع اللحمة ناشفة لما تنشوى بالفرن )


ربع كيلو لحم مفروم ناعم جدا


15 عرق بقدونس مفروم ناعم


بصلة متوسطة مفرومة ناعم جدا


طماطه متوسطة مفرومة مكعبات صغيرة جدا


ملح + بهار اسود + قليل جدا من البهارات


ملعقتين كبار زيت زيتون ( اختياري فلفل احمر بودرة للي يحب الحر شوي بس )

[ندعوك للتسجيل في المنتدى أو التعريف بنفسك لمعاينة هذا الرابط]

يعني تجيبي اللحم مفروم ناعم مره وتفرمي كل شي على حده


وتخلطينهم بعدين كلهم سوا بيدك زين تخلطينهم باليد


[ندعوك للتسجيل في المنتدى أو التعريف بنفسك لمعاينة هذا الرابط]

الطريقة:


تجيبي خبز لبناني سميك شوي مو الرقيق


تجيبيه وتفتحيه من جهة واحده شوي وتمدي فيه شوية من اللحمة وترصيها داخل الخبزة زين
بعدين تسكريها وترصيها بيدك وتدهني على يدك مسحة زيت زيتون وتدهني الخبزة من الإمام والخلف
بس لا تمليها زيت بس مسح بيدك على خفيف ( انظري للصورة )


[ندعوك للتسجيل في المنتدى أو التعريف بنفسك لمعاينة هذا الرابط]


ثم تقسميها لأربع أقسام بعدين تلفي كل خبزه بالسيلفر ( القصدير )


[ندعوك للتسجيل في المنتدى أو التعريف بنفسك لمعاينة هذا الرابط]

وتحكمي عليها الإغلاق وتخلي اللفة المفتوحة من فوق عشان ما ينزل ماء اللحمة لتحت بالفرن
وتدخلينهم بصينية الفرن على الطبقة الوسط وتكوني مشغله الغاز من فوق ومن تحت
على حرارة 180 - 200 درجة



وبعد 20 دقيقة شيكي على وحده منهم إذا احمرت والا لا
إذا ما حمرت اتركيها بعد شوي ممكن تاخذ وقت 30 دقيقة


على حسب نوعية الفرن ونوعية الخبز او تشوينها بالفحم بعد ماتحطينها بالشبك
بعد ما تطلعيهم من الفرن خليهم بالسيلفر مسكر عليهم شوي عشان ما ينشفوا الخبز او ييبس


[ندعوك للتسجيل في المنتدى أو التعريف بنفسك لمعاينة هذا الرابط]



وبعدين شيلي عنه السيلفر وحطيهم كلهم في صحن وغطيه زين بالسيلفر او بحافظه او بكيس نايلون
واحكمي الإغلاق عليهم لمدة لا تقل عن خمس دقايق


عشان تطرى الخبزة شوي إذا كانت محمصة والطعم أحلى من إي مطعم واغلبي فيه المطاعم


[ندعوك للتسجيل في المنتدى أو التعريف بنفسك لمعاينة هذا الرابط]